വിഭൂതി
(കോറയിൽ വന്ന ഒരു ചോദ്യത്തിനുത്തരമായെഴുതിയത്)
ചോദ്യത്തിൽതന്നെ പാതി ഉത്തരമുണ്ടല്ലോ!
ഇതാ ഒരു കവിത. 'കവിത എഴുതിത്തരാമോ' എന്നു ചോദിച്ചതിനാൽ ചോദ്യകർത്താവിൻ്റെ പേരും ഉൾപ്പെടുത്തിയിരിക്കുന്നു.
തീവ്രമാം പ്രണയവും
ഗാഢമാം വിരഹവും
ചാലിച്ചു ചാർത്തി ഞാൻ
ആകേ വിഭൂതിയായ്!
ചപലസഞ്ചാരിയും
അചലമാം സ്ഥായിയും
കൂട്ടിയിടിച്ചെന്നിൽ
ആകേ വിഭൂതിയായ്!
കായുന്ന കയ്പ്പും
മയക്കും മധുരവും
ഒന്നായ് രുചിച്ചു ഞാൻ
ആകേ വിഭൂതിയായ്!
അദഹ്യമാം കാഷ്ഠവും
തീക്ഷ്ണമാം താപവും
തമ്മിലിടഞ്ഞു ഞാൻ
ആകേ വിഭൂതിയായ്!
Comments