My Poems

   "ക്ലാസ്സിൽ ഒറ്റയ്ക്കിരിക്കുമ്പോൾ അവൾ ചിന്തിച്ചത് " എന്ന വിഷയത്തിൽ ഒരു കവിത എഴുതുമോ? (പെട്ടെന്നെഴുതിയതാണ്; മിനുക്കാൻ സമയം കിട്ടിയില്ല.) "കണക്കും കമ്പ്യൂട്ടറും    പഠിച്ചിട്ടെന്താ കാര്യം വണക്കത്തോടെ വല്ല    വീട്ടിലും ചേക്കേറേണ്ടോൾ?!" അടക്കം പറഞ്ഞതു     മറ്റാരുമല്ല, ശാസ്ത്രം  പഠിപ്പിക്കുന്ന സ്വന്തം     വത്സമ്മട്ടീച്ചർ തന്നെ! ചെറുക്കന്മാരും ചില      കുശുമ്പിപ്പെമ്പിള്ളേരും ഉറക്കെ ചിരിച്ചപ്പോൾ      വിഷമം വന്നു; പക്ഷേ  പടുത്ത പന്തങ്ങളെ      കൊളുത്തേണ്ടുന്ന തിരി,  കെടുത്താൻ ശ്രമിച്ചല്ലോ     എന്നിലെ കൊച്ചു നാളം! ഉത്തരം പറഞ്ഞതും      തെറ്റൊന്നു പിണഞ്ഞതും പെണ്ണായാൽ പാടില്ലെന്നോ?     ആണുങ്ങൾക്കാവാമെന്നോ? "ഡോക്ടർമാർ -  ആൺകുട്ടികൾ,     നേഴ്‌സുമാർ - പെൺകുട്ടികൾ"  ഇങ്ങനെ തരംതിരി-     വെങ്ങനെ ന്യായമാകും? ഗണിതം പഠിക്കുവാൻ      മിടുക്കുണ്ടെനി, ക്കതു  ഗണിക്കാതിരുന്നാലോ      സ്വയവഞ്ചന തന്നെ! പ്രതിസ...